Plattdüütsche Schölergeschichten

De Schölers ut Klass 4 hebbt plattdüütsche Geschichten schreven. De sünd bannig goot worn. Lest sülvst:

Emily Giese (4a)

De Entführung an’n Strand

Moin, ik bün de lütte nette Droken un ik harr hüüt Nacht en argen Droom.

Ik wüür an’n Elvstrand entführt. As ik weer wook wüür, wüür ik in en swatten Ruum. Mien lütte Fründin Lilly harr mi seihn as ik entführt worrn bün. Se hett all Bescheed seggt. Mien Öllern hebbt sik bannig grote Sorgen mookt. De Entführer wull eene Milljon Euro Lösgöld. So gau dat güng harrn de Öllern dat Göld tohoop, ober dor fehln noch dusend Euro. De Entführer sä ober, dat dat Göld langt, ober he harr uns anlogen. Mien Mudder hett seggt: “„Geev uns unsen lütten Droken weer.”
De Entführer anter: „Nie in’n Leben. Dat wüür nich genauch Göld. Ik will mier!” „Goot, wi besorgt mihr!” „Invostohn”, seggt de Entführer. He kreich sien Göld un ik bün weer freiloten worrn. Mien Öllern un ik hebbt ‘n bannig groot Fest fiert. All hebbt se weint vör Freud, dat de Geschicht goot utgohn is.

______________________________________________

Hugo Francescon (4a)

Gruselkeller

Güstern weer ik bi mien Oma to Besöök. Se beed mi, Reis ut’n Keller to halen. Dat is so en olen, düster Keller, de mi Bang maakt. Aver ik woll modig wesen. Langsaam güng ik de Kellertrapp dal. As ik opmaal vun de Trepp störken dä, füll ik op de Deel! Ik güng wieder. Mit maal füll de Döör to! Ik höör en lütt Fleddermuus. „Pah, blot en lütt Fleddermuus”, dach ik. Plötzlich bröök de Deel twei! Ik füll in en Lock! In dat Lock weer dat stockdunkel! Ik gah langsaam wieder as ik över en Skelett ut Plastik störkte. Ik verjoog mi düchtig! Nochmaal bleev ik stahn. Ik füll öber en lütt Ding. Dat weer en Spinn! „Ik mutt den Ries halen”, dach ik. Op een mol heff ik `n lütt sülvern Doos sehn. De Doos föhl sik snaaksch an. „Egaal”, dach ik. Numutt ik blot noch ut’n Lock  klautern, jüst dat dä ik un keem ut’n Keller mit de Doos Ries. „Endlich büst du dar weer mit de Doos Ries”, seggt Oma. Se kunn jo nich weten, wat ik allns in’n Keller beleevt hebb.